Afsakið Biðina...

Jæja, þá er ég komin með fréttir, svifasein eins og vanalega að blogga. En það mun brátt breytast vegna þess að ég er komin mðe nýja fartölvu sem mun verða með þráðlaust internet. Geri mér vonir um að verða þá duglegri að fara á netið og blogga og svara tölvupósti og slíku.

Við fórum í sónarinn á miðvikudag og það kom allt alveg eðlilega út sem betur fer. Það var auðvitað stórkostlegt að sjá krílið loksins og hvað það er orðið rosalega stórt, eða réttara sagt hún vegna þess að þetta er stelpa!!! Við erum alveg í skýjunum með þetta. Hjúkkan sýndi mér svona þrjú hvít strik sem þýða að um stelpu sé að ræða, en þetta er svona 95-98% öruggar niðurstöður að hennar sögn. Hún setti mig á 22.mars, en samkvæmt mínum útreikningum er það 17.mars. Annars væri 19.mars flott því það er afmælisdagur pabba hans Lazaro.

Svo var góðvinur minn og tölvugúrú hann Ásgeir að setja inn myndir af Ævari litla sem voru teknar í júlí. Ég er búin að setja link inn á þær hérna fyrir neðan undir "Ævar í Júlí".

 
Stóra stundin að nálgast...

...og maður getur varla beðið. Ef þið áttið ykkur ekki þá er ég að tala um sónarinn þann 2.nóv. eða núna á miðvikudaginn. Við Lazaro erum að fara á taugum af spennu. Ég lofa því að setja inn sónarmyndir og svona eitthvað þegar þetta er búið. Er nefnilega með móral yfir því að vera ekki búin að setja inn snemmsónarmyndirnar sem voru teknar fyrir löngu síðan. En ég set þær þá inn líka. Við erum svo forvitin, okkar langar rosalega mikið að fá að vita kynið. Auðvitað vonar maður líka að allt sé á sínum stað og svoleiðis. Maður gerir náttúrulega bara ráð fyrir því að eignast heilbrigt barn, svo mikil er frekjan. En við tökum því sem kemur, svoleiðis er það bara.

Lazaro er byrjaður í sjúkraþjálfuninni og fór nú eiginlega bara hálfhræddur. Ég var nefnilega í því að stríða honum og sagði að hann yrði settur í vélar sem myndu teygja hann, tosa, beygla, brjóta saman, lengja, hrista og skekja í allar áttir. Ég var auðvitað bara að bulla en þetta reyndist nærri sannleikanum en maður hefði haldið. Nema að það er enginn sársauki í þessu. Sjúkraþjálfarinn nuddar hann og setur í ýmsar stellingar til þess að spenna og slaka til skiptis á vöðvunum. Svo er hann reyndar settur í vél sem teygir á bakinu á honum með það í huga að útbungunin gangi til baka. Ansans, nú get ég ekki bloggað meira, Ævar er orðinn reiður... Svona gengur þetta nú...

Nínos og Krílos
20v + 4d.