Prófannir

Er í prófum þessa dagana. Það fyrsta er búið og tvö eftir. Þann 12. og 15.maí. Ég er ótrúlega afslöppuð. Eiginlega einum of. Taldi mér hafa gengið bara sæmilega í fyrsta prófinu, það var bara ein ritgerð sem við þurftum að skrifa. Ég var nú töluvert lengi en skrifaði samt bara 5 bls. Síðan þegar ég fór að bera saman bækur mínar við hina sem voru í prófinu fékk ég vægt áfall. Það höfðu allir verið að skrifa svona 8-11 bls. !!! Núna er ég hrædd. Vonandi hefur þetta bara verið einstaklega hnitmiðað hjá mér...
Annars nenni ég bara ekki að læra. Það er svo erfitt að einbeita sér að svona smáræði og aukaatriðum í lífinu eins og lærdómi og útskrift þegar maður á von á barni. Allt annað fellur bara í skuggann. Ógleði og uppköst og "túr"verkir eru svona soldið dóminerandi þessa dagana í mínu lífi. Ég held upp á hverja viku sem líður og allt er enn í lagi. Er einmitt komin 9 vikur og 2 daga núna. Við sjáum svo hvað setur.
Nínos hefur gubbast.

 
Diet-Time!

Greyið Lazaro minn. Hann á ekki sjö dagana sæla núna. Honum til mikillar skelfingar voru gallabuxurnar farnar að þrengjast ískyggilega mikið um mittið og í kjölfarið áttaði hann sig á því að hann sér ekki lengur á sér tærnar. Það mátti ekki lengur á milli sjá hvort okkar væri með stærri keppi (he, he). Diet-Time! Hann steig á vigtina í morgun (allsber, svona til þess að vera viss um fötin og skartgripirnar væru ekki að þyngja hann) og viti menn! Hann er orðinn 81,5 kíló og hefur hann nú toppað sjálfan sig algjörlega. Honum líður best í 75 kílóum og hefur alltaf verið í þeirri þyngd síðan hann náðu fullorðinsárum. Ég fór nú að velta því fyrir mér hvað gæti valdið þessari þyngdaraukningu þar sem hann borðar nánast aldrei neitt óhollt. Eftir miklar vangaveltur og yfirheyrslur kom í ljós að hann er búinn að drekka GOS uppá hvern dag í vinnunni síðan síðasta nóvember eða frá því að hann byrjaði þar. Og þetta hafði hann falið fyrir mér! Ég drekk ekki mikið gos (og ekkert núna í óléttunni) og benti honum á að þarna væri væntanlega sökudólgurinn því gos væri ógeðslega fitandi og óhollt. Lazaro fékk meiriháttar uppljómun á staðnum því hann hafði í alvörunni aldrei pælt í því að þetta skipti nokkru máli. Hann er harðákveðinn að hætta gosdrykkju þegar í stað. Það er eins og ég hef alltaf sagt: gos er drykkur djöfulsins.
Nínos hefur tjáð sig í vellandi spiki.