Prumpað á Nemendaskrá

Ég var að fatta það að á morgun rennur úr frestur til að skrá sig í kúrsa fyrir næsta vetur í háskólanum! Mér finnst þetta fólk nú vera ansi snemma í þessu. Ég fór í gær, miðvikudag, á Nemendaskrá til að spyrjast fyrir um þetta og fá skráningareyðublað og ég meina það, þessar konur á Nemendaskrá eru bara trylltar á geði! Sérstaklega ein ónefnd sem að var bara eins og litla stelpan sem var andsetin af Djöflinum í The Exorcist! Það bara ætlaði af henni hausinn að ég skildi ekki hafa verið búin að lesa tölvupóstinn frá þeim. ,,Þú getur nú bara lent í alvarlegum vandræðum ef þú lest ekki tölvupóstinn frá okkur góða mín!" Þær eru svo dónalegar að ég hef aldrei vitað annað eins. Ég svaraði að ég væri nú ekki búin að kíkja á póstinn en fyrst ég væri nú komin þarna til þeirra hvort ég gæti ekki fengið eins og eitt skráningarblað til að fylla út. ,,Hvað áttu við!!!! Þú ÁTT að gera þetta á Netinu! Þetta myndirðu vita ef þú læsir tölvupóstinn!" Ég starði í forundran á manneskjuna og sá að hún var orðin rauð í framan af reiði og hneykslan og ég var sjálf farin að roðna af pirringi. Ég spurði hana góðlátlega: ,,Ertu að segja mér að ég MEGI ekki fá skráningablað?" Ég horfði á hana og leit niður á borðið hennar þar sem eyðublöðin lágu í bunkum. ,,Ja...ef þú endilega vilt gera þetta á gamla mátann", sagði hún og rétti mér eitt blað og snéri sér síðan strax undan og fór að vinna í tölvunni sinni. Ég muldraði þakkir og gekk út með sárt ennið. HVAÐ ER AÐ ÞESSUM DÓNALEGU BELJUM Á NEMENDASKRÁ HÁSKÓLA ÍSLANDS??? Þetta er ekki í fyrsta skipti sem þær eru að rífa kjaft við mig og fleiri nemendur út af því einu að því er virðist að við látum þær sinna því sem þær fá borgað fyrir. Það getur enginn skipað mér að lesa tölvupóstinn minn! Það er algjörlega mitt mál og einnig ef ég missi þá af einhverjum upplýsingum í kjölfarið. En ég er í fullum rétti til þess að koma í eigin persónu á Nemendaskrá, spyrja allra þeirra spurninga um skráningu sem ég vil og síðan skrá mig á staðnum ef mér hentar það! Ég veit að það auðveldar þeim starfið að fólk geri þetta á Netinu en það er engu að síður enn þá þeirra starf að veita nemendum upplýsingar og þjónustu varðandi skráningu í nám. Ég meina, ég vinn sjálf í þjónustustarfi á 118 og það myndi auðvelda mér starfið mjög ef að kúnnarnir vissu alltaf fullt nafn eða heimilisfang á fólkinu sem það vill símann hjá en svoleiðis er það bara ekki! Þá verður maður bara að hafa aðeins meira fyrir því að finna númerið, stundum tekst það og stundum ekki. Ekki fer ég að garga á mína kúnna:,,Þú ÁTT að vita fullt nafn ef þú vilt símanúmer!" Hvað í andskotanum er að þessum konum? Eru þær með mikilmennskubrjálæði af því að þeim finnst þær svo mikilvægar að vinna á Nemendaskrá og hafa einhvers konar vald yfir nemunum eða eru þær með minnimáttarkennd yfir því að fólk sé að mennta sig allt í kringum sig á meðan þær eru fastar í sama augljóslega leiðinlega starfinu, eða það hlýtur að vera leiðinlegt fyrst þær eiga svona erfitt með að sinna því! AARRRGG!!! Mikið væri lífið miklu skemmtilegra ef að fólk reyndi að vera aðeins jákvæðara í viðmóti við samferðamenn sína. Það hefði verið hægt að benda mér á allt þetta net-dæmi á mun góðlátlegri hátt þannig að ég færi glöð út af skrifstofunni í stað þess að hröklast þaðan út eins og glæpamaður. Ég mæli með að þær verði allar sendar tafarlaust í Anger Management Therapy til að ná stjórn á reiði-og ofsaröskun þeirri sem augljóslega er smitsjúkdómur á þessari guðsvoluðu Nemendaskrá. Vonandi þarf ég aldrei að fara þangað aftur!
Nínos hefur tjáð sig.

 
Ég vissi að ég væri eitthvað Sadó-Masó!


You have a dominant kiss- you take charge and make
sure your partner can feel it! Done artfully,
it can be very satisfactory if he/she is into
you playing the dominant role MEORW!


What kind of kiss are you?
brought to you by Quizilla